‏ملخص مؤتمر ابل‬

ابل في الوقت ده من كل سنة بتعلن عن جديد نظام التشغيل الخاص بالايفون و الايباد iOS و جديد نظام التشغيل الخاص بالحاسبات الخاصة بها MAC

.......... نبدأ بنظام iOS9 >>
الحقيقة النظام زي ما كله توقع انه كان لازم يركز ع الاداء بالنسبة للأجهزة و صرف البطارية و تحسينات سيري و شوية اضافات مميزة حقيقة ... لان اداء الاجهزة و صرفها يعتبر في iOS8 لا يرتقي لجودة الانظمة السابقة الخاصة بأبل
و دي شوية مميزات .. بعضها ذكر في المؤتمر و البعض الاخر لم يذكر في المؤتمر
بالنسبة لسيري ... اللي مالهاش عازة عندنا في الوطن العربي
للأسف الشديد ع الرغم من اهتمام ابل بالعربية في الفترة الاخيرة الا ان سيري لسا مدعمتش العربية (عامة أبل اهتمت باللغة العربية في النظام ده و هنقول ازاي في اخر المقال )
سيري دلوقتي بقت ذكية شوية
تقدر تقولها لو واحد صاحبك بعتلك رسالة او بريد انه فيه مقال كويس اقرءه .. مجرد ما تفتح سيري هي و تقولها ذكريني بذلك .. هي هتقوم على طول لوحدها سوف تفهم وتقوم بإضافة تذكير لكي تقوم بقراءة هذا المقال.. بدل ما كنت تكتب الاول كل التذكيرات اللي حابب تبقى ترجع ليها او الجهاز يفكرك بيها !
اصبحت مندمجة مع النظام اكتر .. تقولها مثلا ابحث عن الصور التي التقطها في مناسبة كذا .. هي هتجمعلك و تجيبلك كل الصور !
يعني بتعتمد على موقعك الجغرافي و معاك خطوة بخطوة .. حاجه كدا زي الستات المصرية 
النظام و نقطة البحث spotlight Search >> ما زالت ابل بتهتم بالخدمة دي يوم بعد يوم و بتعمل جاهدة للاستفادة منها بشكل افضل
وفرت ابل ليه تكامل أكتر مع التطبيقات بس بشرط ان مطور التطبيق يدمج الموضوع ده في تطبيقه يعني ابل وفرت الواجهة البرمجية المتاحة لكدا !
طيب ازاي يعني ممكن بسهولة تبحث عن داخل تطبيق طبخ انت منزله مثلا عن وصفة الباميا  بدون ما تفتح التطبيق هو هيجبلك الوصفة في البحث و انت تعمل الباميا
طيب و ايه كمان !
ده غير انه هيوفرلك نتائج المباريات الرياضية و الافلام بشكل اوسع
و دلوقتي هيعرضلك التطبيقات اللي انت غالبا بتستخدمها حسب تحليل الجهاز لوقتك و مكانك
غير طبعا هيوفرلك الاسماء و الاماكن اللي بتروحها او بتتصل بيها اكتر من غيرها !
ابل بتحاول تخليك تقول ده سمارت فون فعلا . فدلوقتي النظام ذكي شوية يعني لو حطيت مثلا السماعة في مخرج السماعات هتلاقي ظهرلك اقتراحات لاشياء يمكن سماعها من الموسيقى أو كتب صوتية أو بودكاست. 
تطبيق الملاحظات
اخيرا ابل بتقولك انت فعلا معاك نوته فعليه مش مجرد شاشة بتكتب عليها بيكيبورد !
لاه ابل دلوقتي دخلت اضافة الصور و يظهرلك محتوى الروابط و مش كدا و بس !
لاه ده انت ممكن ترسم و تكتب بايديك
تطبيق الاخبار
ابل عملت تطبيق اخبار خاص بيها ينافس تطبيقات الاخبار الاخرى باسلوب مبتكر ومش كدا وبس ده تعاقدت مع كبرى الصحف و وكالات الاخبار و الانباء العاليمة ليتم إضافة مصادر عديدة يمكنك الاختيار فيما بينها.
تطبيق الخرائط .
تحسينه اداءه بوجه عام و دمجه اكتر مع سيري انك تسال مثلا siri عن اقرب مطعم او محطة مترو وهي هتقولك تمشي ازاي
البطارية !!
ابل بتقول ان البطارية هتقعد ساعة اكتر في النظام ده
و مش كدا وبس ابل عملت وضع الحفاظ ع الطاقة Low Battery Mode 
اللي لو فعلته هيزودلك البطارية بمقدار 3 ساعات
التقيلة بقى !
دلوقتي تم تقليص مساحة النظام ! .. نعم يعني ايه ؟
يعني النظام بدل ما بياخد من جهازك 4 جيجا دلوقتي هياخد 1.3 جيجا !
ايوه هياخد 1.3 جيجا فقط !
فيه شوية مميزات ابل متكلمتش عنها في المؤتمر !
تعريب الجهاز بشكل كامل فعلياااااا
يعني دلوقتي لو عملت الجهاز عربي هتسحب من اليمين الى اليسار(في السحب بين التطبيقات)
و الشبكة و البطارية اللي في شريط الاشعارات هتبقى عكس بعض يعني الشبكة هتكون ع اليمين
ومش كدا و بس ده حتى في الاعدادت هتكون ع اليمين مش ع الشمال
و في شاشة القفل هتسحب من اليمين للشمال (العكس عن الطريقة المعتاده) لان العربي لغة (يمينية)
خطوة حلوة من ابل !
البحث في الاعدادت !.. ايوه ممكن دلوقتي تبحث في الاعدادت يعني لو كتبت b هتلاقيه ظهرلك bluetooth
الميزة الاهم الخاصة بالايباد .>>>>
أخيراا
تعدد مهام حقيقي و فتح أكثر من تطبيق في وقت واحد و نقل المحتوى من التطبيق ده للاخر بسهولة يعني تعدد مهام حقيقي حيث تستطيع سحب رابط من موقع (في نصف الشاشة) ووضعه في تطبيق في النصف الآخر.
ومش كدا و بس ده دلوقتي تقدر تشوف الفيديو في مستطيل صغير و انت شغال على تطبيق تاني عادي خالص شبيهه بخاصية سامسونج ! (ميزة حصرية للايباد اير 2) >> ولا يهمك بالجيلبريك بننقل كل المميزات للأجهزة القديمة 
طبعا الجيلبريك والسيديا شرحناهم في المقال اللي فات
ودلوقتي لوحة المفاتيح الخاصة بالايباد فيها شوية وظائف زي الاختصارات وأزار للتنسيق وإمكانية خاصة للتظليل عن طريق السحب بإصبعين على لوحة المفاتيح.
وأخيرا دعم افضل للوحات المفاتيح الخارجية بمميزات زي التنقل بين التطبيقات المفتوحة أصبح بشكل سهل على لوحة المفاتيح.
طيب ايه الاجهزة اللي هيجيلها الابديت !
من اول الايفون 4 اس فما فوق
ايوه الايفون 4 اس هيجيله الابديت
خد معاه بقى ال5 و 5 اس و 5 سي و 6 و 6 بلس
من اول الايباد 2 فما فوق
خد معاه بقى الايباد 3 و 4 و اير و اير 2 و الايباد ميني و ميني1 و ميني 2