CPU MediaTek & Cualcomm

معلومة ع السريع .. رغم التطور الحاصل بسرعة كبيرة في الهارودير الخاص بالهواتف المحمولة و خصوصا في المعالجات !
فيه معالجات دلوقتي وصلت لترددات 2.7 و فيه وصل لعشر انوية !

الا ان الارقام دي عشان تعوض نقص الاداء و السلاسة الحاصل في الاندوريد نفسه كنظام (بعد اللولي بوب انخفض الكلام ده )..
كل ده عادي
اللي مش عادي انه للاسف فيه دراسة بتبين انه اكتر من 90 في المية من التطبيقات الموجودة في متجر التطبيقات مبتستخدمش اكتر من نواتين او تلاته بالكتير و باقي الانوية بيظل مالهوش لازمة _غالبا_ بس بيساعد في رفع الاداء المجمل للهاتف عشان كدا في اختبارات البينشمارك بيكون اداء الايفون في النواة الواخدة متفوق على اغلب او كل هواتف الاندوريد و بتكون هواتف الاندرويد اعلى في اختبار عدد الانوية ككل لان الايفون ثنائي و المعالجات التانيه رباعيه و ثمانية
من الاخر ميغركش حتة ده ثماني ده رباعي ده ثنائي .. اهم حاجه ركز على بنية المعالج و اداءه و معالج الرسوميات المدمج معاه نوعه ايه و تردده و ان كانت الشركات دلوقتي بتلزق قوة المعالج بعدد الانوية في المعالجات الحديثه و اللي بتستخدم في اقوى الهواتف زي Snapdragon 810 ..
بس الكلام ده للناس اللي بتشتري في الفئة الاقتصادية اللي ممكن يلاقي هاتف ميديا تيك بمعالج قديم من 2104 مثلا كان مخصص للهواتف المتوسطة بس يغره حته ثماني وبنيته 32 بت .. و يسيب مثلا معالج كوالكم رباعي النواة بس معماريته احدث بس عشان رباعي يسيبه مع ان معالج الرسوميات المدمج و الدعم لمعالج كوالكم هيكون افضل و مدعم ل64 بت !!
و عشان كدا كان الناس بتسيب نسخة النوت ثري جي ثمانية النواة و بتدور و تشتري نسخة كوالكم رباعية النواة
‫#‏اختار_صح‬
‫#‏حركات_تسويقية‬ .. متخليهومش يلعبوا بالارقام

إقرأ المزيد

تراجع مبيعات سوني في عام 2015 بنسبة كبيرة Sony

الحقيقة انه السوق العالمي اثبت انه الشركة الوحيدة اللي لو مغيرتش في التصميم و عملت نفس التليفون بس غيرت شوية هارودير . التليفون هيتباع و بكميات هي شركة ‫آبل

سوني للأسف شركة فيها سوء تخطيط و تخبط يتبعها برده اتش تي سي في الموضوع ده !
سوني اعلنت عن فئة الزد في 2013 خلال الفترة دي نزل منها 5 هواتف !!!
ايوه خلال الفترة دي نزل منها العدد ده Z , Z1 ,Z2 ,Z3 ,Z4 !
سوفت سوني و الواجهة الخاصه بيها على هواتفها فقيره جدا في المميزات و تعتبر متخلفه بالنسبه لشركة زي سامسونج او حتى الشركات الصينيه المشهورة !
ع الرغم من ان سوني بتصنع للشركات و بتبيع حساس الكاميرا الا ان جودة الصور في هواتفها بينافسها شركات تانيه و بتتفوق عليها !
الغريب ان سوني اعلنت النهارده عن مواصفات الZ3+
سبب التسميه دي ان الناس استغربت من طرح الزد 4 في اليابان و مفيش فيه اي مميزات و لما سوني طرحت النسخة العالميه تداركت الخطأ و سمته Z3+
الغريب ان مفيش اي جديد في الجهاز غير تحديث للمعالج كوالكم 810-اللي كثرت الشكاوى منه-
و تظبيطات في الكاميرا و سماكة اقل بس مش اوي
الأغرب انه سوني مش قادره تفهم انه الهارودير دلوقتي مش هو نقطة الفيصل في شراء اي جهاز .
جلاكسي اس6 قعد الام 9 الخاص باتش تي سي على ارفف المحلات بمعنى الكلمة !
بسبب انه اتش تي سي و ان كان التصميم جيد بس مفيش اي جديد و مجرد تحسينات !!!!!
في النهاية اللي بياكل السوق في الاندرويد خصوصا هو اللي بيقدر يبهر المستخدمين .. شركة زي سوني بامكانياتها برأس مالها معندهاش المقدرة انها تعمل سوفت وير محترم و اضافات تبهر المستخدمين !
في الوقت اللي فيه شركات صينيه ناشئة اسعارها لا تتحاوز ال300 دولار السوفت وير الخاص بيها لو مسكته متقولش ده اندرويد اساسا و اضافات ممتازه و تحديثات اسبوعيه كمان !!!!
السوق العالمي قال كلمته (قدر تتقدر)  و اللي مش هيقدر يشد المستخدمين هيقعد ع الارفف حرفيا
بالمناسبه اتش تي سي اعلنت عن حوالي اربع نسخ مختلفه من m9 منها اللي ببصمه و منها اللي بكامرتين خلفيتين عشان تحاول تتدارك المبيعات الهابطه لهاتفها الا انه مفيش فايده !!
ايه اللي انت شايفه صح و اللي المفروض سوني تعمله شاركنا برأيك .؟ 

إقرأ المزيد

خطة ميكروسوفت التسويقية الجديدة لWindows 10

شركة زي ميكروسوفت في ظل الادارة الجديده بتبينلك يوم بعد يوم انها بقت فاهمه السوق كويس جدا !

مبيعات الحواسب اللوحية لرخص ثمنها و سهولة حملها اصبحت تتعدى مبيعات الحواسب المحمولة .
في السنوات اللي فاتت كانت الخدمات بتكون احتكارية لنظام التشغيل اللي بتعتمده الشركة مكنتش تشوف خدمة لميكرو على اندرويد او اي او اس
نظام التشغيل بسبب مجانيته مش ينفع الشركة تاكل منه عيش ! هي بتعملك نظام تشغيل و بعدها بتبهرك بخدماته !
الاندرويد قوي مش عشان نظام التشغيل بس لاه هو قوي عشان وراه عملاق زي جوجل بخدماته المختلفه !
جوجل مكسبها مش من نظام التشغيل اللي بتطرحه مجاني انما مكسبها فيما بعد نظام التشغيل زي الجيميل و الخدمات السحابيه و محرك البحث و جوجل بلس و باقي خدماتها !
ميكروسوفت كان لازم تفكر انها تستفيد من الانتشار الهائل للاندرويد فبدأت تطرح خدماتها بشكل مجاني و مش كدا بس ده اتفقت مع اكتر من عشرين شركة مشهورة و غير مشهورة ان خدماتها تكون مثبته بشكل افتراضي ع الأندرويد و من ضمنهم سامسونج و ال جي و سوني !
يعني هتشتري اي حاسب لوحي من الشركات دي هتلاقي خدمات ميكروسوفت Word, Excel, PowerPoint, OneNote, OneDrive, Skype.
موجودة من العلبة !
و مش كدا و بس
ده المساعد الشخصي الخاص بالويندوز فون الشهير اللي اسمه ‪#‎Cortana‬ هيبقى موجود كمان ع الاندرويد و الاي او اس !
و هينزل في اول يونيو ع الاندرويد !
و ان مكنش مكفيك ده !
ميكروسوفت عملت برنامج علي ويندوز10 هيجي بشكل افتراضي وظيفته شبيهه بالايتونز الخاص باجهزة ابل و ادارة الايفون بس البرنامج ده مش هيكون حصري لهواتف ويندوز فون فقط !
ده هيكون موجود للويندوز فون و الاندرويد و الاي او اس !!!!!!!!!
فكرة البرنامج و طريقة تشغيله هتشوفها في الفيديو اللي في البوست ده
في النهاية ميكروسوفت بتسوق لخدماتها و بتستغل المنافسين و مش كدا بس ده غيرت سياستها و طرحت خدماتها الكلية على اجهزة بتعمل بنظام تشغيل مش خاص بيها
ويندوز 10 هيكون نقلة نوعية مختلفه لميكروسوفت و مبشراته بتقول انه نظام هيكون مختلف تماما و نقلة بتحدد مستقبل شركة كبيرة زي ميكروسوفت

إقرأ المزيد

الأعلان عن اندرويد M بشكل رسمي Android M

جوجل اعلنت رسميا عن أندرويد M و بعض الخدمات الاخرى ..

الحقيقة زي ما كله كان متوقع انه اندرويد ام هيكون عباره عن تحديث طفيف للولي بوب . مش هيكون نفس النقلة النوعية اللي خصلت من الكيت كات للولي بوب ..
اغلب مميزات التحديث الاخيرة منقوله نصا من نظام الاي او اس او من روم ميوي خاصة و الرومات الصينية عامة .
دعم البصمة بشكل افتراضي .. ميزة كان كله متوقعها و انا شخصيا قلت انه اتمنى انها تدعمها في التحديث بشكل رسمي بعيدا عن تعديل الشركات ع النظام .
صلاحيات التطبيقات
تتحكم في ايه التطبيق اللي يستخدم الكاميرا الميكروفون البلوتوث الداتا الاكونتات الموجودة ع الجهاز قراءة الاسماء .. و كل ده موجود بشكل مفصل في روم ميوي من اكتر من ثلاث سنين وفي الاي او اس الخاص بأبل
روابط التطبيقات !
كان الاول لما تضعط على رابط يوتيوب يقولك عاوز تفتحه فين في المتصفح و لا اليوتيوب و لا ايه .. دلوقتي اول ما تضغط ع الرابط بيفتحلك اليوتيوب على طول !
ميزة موجودة في نظام ابل ..
المشاركة
تسهيل المشاركة عن طريق ترتيب التطبيقات حسب كثرة استخدامها و الاشخاص حسب كثرة استخدامهم يعني دلوقتي ممكن الاشخاص اللي في تطبيق الواتس اللي بتشيرلهم حاجات كتير هيظهروا معاك في قايمة الشير عادي بمعنى اصح تكامل للنظام في المشاركة مع التطبيقات
التعامل مع الذاكرة الخارجية على انها جزء من الذاكرة الداخليه .
دي تعتبر اهم ميزة عملتها جوجل في الاصدار ده خصوصا ان في الفئة الاقتصادية بيتم تقليل الذاكرة و التعويض عنها بذاكرة خارجيه فكون ان النظام يتعامل مع الذاكرة الخارجية على انها امتداد للذاكرة الداخليه و يلغي الحدود ما بين الذاكرة الداخلية والذاكرة الخارجية وذلك يتضمن تثبيت التطبيقات عليها بشكل تلقائي، تمامًا كأنها ذاكرة داخلية امر مرحب بيه جدااااااا
ميزة Now on tap
دي امتداد لخدمة جوجل ناو -اللي مالهاش لازمة في الوطن العربي- فايدتها انك لو جه تطبيق مثلا و حد بعتلك رسالة اننا هنكون في مطعم كذا مجرد ما تضغط على زر الهوم هيجيبلك معلومات عن المطعم و عنوانه و تقييم الزبائن ليه . بمعنى اصح كأنه هيقرأ رسايلك و يعرف انك لما شغلت الخدمه كنت عاوز تبحث عن المطعم ده و هو جابلك البيانات كلها . بدل ما انت كنت تروح ع البحث و تدخل اسم المطعم بنفسك و تبحث عنه .
البطارية
تحسين البطارية عبر إدارة أذكى للطاقة بفضل تقنية جديدة تسمى Doze. وتعتمد هذه التقنية على اكتشاف الحركة عبر الحساسات الموجودة في الهاتف، لمعرفة إذا ما كان الجهاز لم ُيُستخدم لفترة. في هذه الحالة سيقوم النظام بإيقاف بعض الخدمات العاملة في الخلفية. وبحسب ما ذكرت جوجل في المؤتمر، ان الميزة دي اطالة زمن البطارية في Nexus 9 لمدة ساعتين في وضع الاستعداد. .. كل مرة بيقولوا البطارية اتحسنت كفاية كذب بقى :D 
شوية مميزات تانيه ..,.
درج التطبيقات بقى عمودي (زي اتش تي سي ) مش افقي وتقلب فيه يمين و شمال
دعم شاشات 4K
اعادة التحكم بالصوت لما قبل اللولي بوب
النسخ الاحتياطي للبيانات بس للاسف لازم يكون مطور التطبيق بيسمح بكدا >> معرفش ايه لازمة كدا طالما بتعتمد ع المطور مش ع النظام
معلومات أكثر تفصيلًا عن استهلاك الذاكرة العشوائية (موجودة في الرومات الصينية )
مدير لكلمات المرور، يقوم بإدخال كلمات مرور المُستخدم تلقائيًا في التطبيقات، وليس في المُتصفح فقط.
ثيم داكن اللون لمن لم يحب اللون الأبيض في نسخة للولي بوب
تم إضافة اختصار سريع ضمن قائمة الإعدادات السريعة للوصول إلى خيار عدم الإزعاج Do not disturb، حيث يتيح الضغط عليه اختيار الفترة التي يريد المستخدم عدم تلقي التنبيهات خلالها
دعم رسمي لمنفذ USB Type C اللي اعتمدته ابل في حاسبها الاخير
في النهاية التحديث لا يرتقي لتحديث رئيسي !!
النسخة ام يمكن تسميتها ب5.2 او 5.5 لان مفيش نقلة نوعية .. اذا كانت النقلة النوعية بين الكيت و كات و الجيلي بين لم تحصل على اصدار رئيسي !
شاركنا برأيك ما الذي كنت تتمنى ان تراه في الاندرويد ام ؟؟؟

إقرأ المزيد

ما هو الروت !؟ Root

فيه شوية ناس فاهمه فكرة الروت غلط

باختصار الروت بيخليك تتحكم في صلاحيات اكبر للجهاز . بيخليك سوبر يوزر للجهاز بتاعك تقدر تعدل فيه براحتك .. لدرجة انه الشركات الصينية دلوقتي من حب الصينين للروت و استخدامه للهاكر الخاص بالتطبيقات و خلافه . بتنزل اجهزتها فيها روت من ضمن اعدادات الجهاز ...
بالنسبة ليا شخصيا الروت شيء اساسي بعمله قبل ما انزل اي تطبيق ع الموبايل ...
مقدرش استغنى عن LuckyPatcher اللي بيمكنك من انك تهكر بعض التطبيقات و الالعاب خصوصا الكيبورد اللي صعب تستخدم كل مميزاته بدون روت او بدون ما تكون اشتريته Aitype keyboard
مقدرش استغنى عن xposed framework اللي بيعدل ع السيستم نفسه و يضيفلك مميزات ناقصه في السوفت بتاع الشركة بتاعتك .
او greenify اللي بيظبطلك اداء الجهاز و البطارية من خلال مسح الذاكرة من لتطبيقات اللي مش محتاجها في الخلفية
و غيره من عشرات التطبيقات اللي بتديك صلاحية اكتر للتحكم في الجهاز
وزي ما الروت سهل تعمله -لاغلب- الاجهزة .. سهل برده تشيله . و بعض التطبيقات اللي بتعمل روت بدون كمبيوتر بتعملك برده ازالة للروت بسهولة عشان التحديثات او الضمان لو انت قلقان من النقطة دي ..
الروت بيختلف من جهاز للتاني و خلي بالك كويس اوي و انت بتعمله . بس لو عملته هتفتحلك عالم تاني للتحكم في الاندرويد
شارك برأيك .. شايف الروت حاجه مهمه ؟ او بتستخدمه و بتعمله لجهازك و لا عادي ؟؟؟؟؟

إقرأ المزيد

ما هي Cydia‬ و ‏Jailbreak

قبل ما نبدأ ننشر أهم و أحدث ادوات السيديا .. من المنطق اننا نوضح للناس ايه هي السيديا و ايه هو الجيلبريك بالنسبة لمستخدمي نظام الiOS سواء كان ايفون ايباد ايبود ........

باختصار و تبسيط للمعلومة .. سيستم الايفون مغلق .. بمعنى اصح متقدرش تعدل ع الجهاز يعني اخرك تفتح الاب استور المتجر الوحيد الموجود ع الهاتف تنزل التطبيق .. وبعد ما تنزله مهمة التطبيق في انك تفتحه تستخدمه و تخرج منه ..
مفيش تكامل بين التطبيقات زي الاندرويد .. يعني الدنيا مش سايحة على بعضها زي الاندرويد . انك تنزل تطبيق يتكامل مع تطبيق تاني ..لاه كل تطبيق شغال في sandbox خاص بيه .و التطبيقات دي متقدرش تعدل في النظام يعني لا تغير ثيم و لا تعدل في ايقونات او تضيف حاجه ناقصه في السيستم از تغير مثلا لوك سكرين او لانشرات زي الاندرويد..
والكلام ده كان موجود قبل ios8 بس بدأت الانفتاحية شوية بعد iOS8 بس بطريقة ابل ,, يعني تقدر دلوقتي تضيف كيبورد زي الاندرويد بسهولة
الحاجه التانية ابل بتجبرك بانك متحملش اي تطبيق غير من متجر البرامج الخاص بيها عكس الاندرويد اللي ممكن تضيف و تسطب متاجر خارجية
بل مش كدا و بس ابل مش بتسمحلك اساسا انه فيه تطبيق ينزل من بره ابل ستور . يعني حتى لو سحبت التطبيق و جيت تسطبه مش هينفع يتسطب ..
النقل بالبلوتوث مش متفعل في اجهزة الايفون فيه بلوتوث اه بس متقدرش تنقل بيه ملفات
مفيش مدير ملفات تتصفح بيه ملفات النظام
كل دي وغيرها قيود ابل بتفرضها عليك ..
طب ايه الحل ؟؟؟؟؟ الحل انك تكسر القيود دي .. و منها جات كلمة جيلبريك يعني كسر السجن . كسر سجن الايفون اللي ابل عاملاه و بتجبر المستخدمين على حاجات معينة او بتحطلهم حدود معينة
الناس بتعمل جيلبريك عشان خاطر يتحكم في كل مللي في الجهاز بتاعه بينقل الجهاز بتاعه لنقلة تانية خالص .. ساعتها يقدر يضيف ثيمات يعدل في كل حتة في الجهاز يضيف ادوات في مركز التحكم او في مركز الاشعارات يفعل البلوتوث و ينقل لاي اجهزة تانية يعدل في شاشة القفل الحركة بين التطبيقات يضيف خصائص للنظام و يضيف خصائص لسفاري مثلا انه تقدر تعمل بيه دوان لود او تنزل برامج متكركة .
يعني البرامج اللي على متجر ابل بفلوس ممكن تنزلها من متاجر خارجية او تحملها من ع النت زي الاندرويد و تشتغل معاك بدل ما ابل بتجبرك على استخدام متجرها
و يضيف النواقص اللي كانت موجودة في النظام و غيره من الاف الادوات الموجودة في السيديا !
سيديا ؟!! ايه السيديا دي بقى !!!
باختصار بعد ما بتعمل جيلبريك . بتقدر تعدل في النظام . بدل ما تعدل بشكل يدوي في الاكواد بنفسك انت ممكن تنزل ادوات عن طريقها بتعمل اوامر تعدل في النظام .. طيب الادوات دي هتبقى فين ؟ اكيد لازم يكون في مكان نجيبها منه .. ايوه المكان ده هو متجر السيديا . بعد ما بتعمل جيلبريك بينزل معاه السيديا .. يبقى هو عباره عن متجر تنزل منه الاف الادوات اللي تعدل في النظام .!
طيب السيديا عباره عن متجر بيستمد ادواته منين ؟؟
بيجيبها من المطورين اللي بينزلوا ادواتهم على سورسات !
ايه سورسات دي ؟
دي سيرفرات بتضيف عليها الادوات فيه سيرفرات ع السيديا جاهزة ممكن ترفع عليها كمطور ادواتك او تعمل انت سورس خاص بيك و الناس تضيفه ع السيديا بتاعتهم و ينزلوا الادوات اللي انت منزلها عليه ..
سورسات عباره عن روابط بتضيفها في السيديا تضيفلك الادوات
و مش كدا بس ده لو فيه اداه ع السيديا بفلوس ممكن تنزلها من سورس تاني يكون مهكرها و منزلها ببلاش
طيب طريقة اضافة السورس للسيديا ؟
ممكن تشوفها من الرابط التالي ...
https://www.youtube.com/watch?v=79n4OBWtNh0
طيب ايه اشهر سورسات ممكن اضيفها بجانب السورسات الجاهزة الموجودة ع السيديا ؟
السورسات الموجودة ع السيديا بيكون فيها كل حاجه و فيه منها الاداوت المجانية و فيها منها اللي بفلوس .. تقدر تنزل اللي بفلوس ببلاش من سورسات تانية تضيفها .. ممكن تبحث عن اشهر السورسات على جوجل
طيب انا عجبني الحوار ده عاوز اعمله بقى .....
كل اصدار من الاي او اس الخاص بالجهاز .. ليه طريقة معينة لتنزيل السيديا .. يعني بتختلف من اصدار للتاني و كل اصدار وليه طريقة ..
حقيقي السيديا عالم تاني بتفتحه لجهازك الايفون و الايباد
ودي مقدمة بسيطة عشان هنبدأ نرفع اداوت السيديا ... و نبين للناس بعض المتاجر الخارجية اللي ممكن يحملوا منها تطبيقات بدل اب ستور

إقرأ المزيد

الأعلان عن هاتف Infinix Zero 2

 
شركة انفينكس و قدرتها على انها ممكن تثبت اقدامها في السوق المصري بسهولة و قدمنا بعض المواصفات السريعة لهاتف زيرو 2 الجديد الا ان فيه عضو عزيز علينا اتكلم معانا ع الخاص في نقطتين نبهنا انه كان لازم نذكرهم مع اننا اشرنا لواحدة منهم ع السريع
الحقيقة فيه نقطتين مهمين بيعتبر بسببهم الهاتف ده ثوري في فئتة السعرية لو نزل ب1400 زي نيجيريا -تقريبيا- !
ثوري ؟!!
ايوه ثوري .. و مش بسبب انه جوريلا جلاس 3 او الطبقة الخلفية كويسة ضد الخدوش و الكلام ده او انه فيه شاشة اموليد اتش دي !
لا ثوري لنقطتين ..
الاولى انه في الفئة دي صعب تلاقي هاتف بسمك 6.8 مع وزن 118 جرام ! " الايفون 6 سمكه 6.9 ملل"
الحاجة التانية و هي الاهم اللي تعتبر نقلة نوعية للهاتف في مجال التصوير .. اننا قلنا انه الحساس من سامسونج و سكتنا من غير تفصيل !
بس كان لازم نوضح ان حساس الكاميراSamsung S5K3M2 CMOS sensor من تطوير سامسونج بتقنية ISOCELL افضل من حساس سوني IMX214 المستخدم في اغلب الهواتف و على رأسها ميت 7 و شياومي 4 و ميزيو ودي تعتبر نقلة كويسة للهاتف في الكاميرا و نقطة قوة مش متوفرة في اقرانه اللي في نفس الفئة السعرية او الاعلى منها شوية ..
و بالنسبة لتقنية ISOCELL باختصار
اضافة طبقة من العزل مابين كل بيكسل وآخر يعني كل بيكسل معزول بفاصل فيزيائي عن البيكسلات اللي جمبه يساعد هذا العزل -بحسب شركة سامسونج - البيكسل على التقاط المزيد من الفوتونات (عناصر الضوء) وامتصاصها بشكل صحيح وأكثر فاعلية وبذلك يتم إلغاء التداخل والتشويش الذي يحدث عادة مابين البيكسلات المتجاورة وبالتالي يؤدي هذا إلى إنتاج صورة أكثر دقة من حيث الألوان وأكثر حدة وغنى وهذا يحسن من جودة الصورة رغم صغر حجم البيكسلات وزيادة عددها.
يعني بيساعد على تقليل النويزي و التشوي

إقرأ المزيد