معالجات وألعاب
ده العنوان اللي اخترته للمقال ده بعد تفكير عميق >> العمق حلو برده :D
تعالوا نتكلم اولا عن اهم شركتين في عالم الهواتف الذكية باختصار
(كوالكم - ميديا تيك) و ندخل معاهم باقي المعالجات من الشركات التانية زي واوي و سامسونج و خصوصا ان كل شغلنا هيكون ع الالعاب اللي بتبين فعليا قوة المعالج بعيدا عن ارقام انتوتو و الكلام ده !
كوالكم بتستخدم معالج رسومي قوي فعلا خاص بيها من تصميمها اسمه Adreno و بتدمجه مع سلسلتها من المعالجات القوية و المتوسطة و تحت المتوسطة ..
المعالج ده ظهرت قوته فعليا بداية من كوالكم 800 و كانت اداءه قوي فعلا ..
بالنسبة لميديا تيك .. ميديا تيك لسا داخلة في سوق المعالجات القوية السنة دي ,,
ميديا تيك بتتعامل مع المعالج فقط اللي هو CPU اما بالنسبة لمعالج الرسوميات الGPU فمبيكونش من تصميمها بتاخده من سلسلة mali من شركة ARM
وده برده بالنسبة لواوي و سامسونج برده المعالج الرسومي بيكون mali
وطبعا سلسلة mali فيها الاحدث و الاقوي و الاضعف و الاقدم ده طبيعي ..
المشكلة مش في كدا المشكلة بقى في لعب الشركات !..
بالنسبة للشركات عندك واوي مثلا !
بتاخد ايه من mali دايما تسترخص و متاخدش احسن حاجه !
تفتكروا wiko اللي اتكلمنا عنها قبل كدا ؟؟؟؟؟
ايوه الشركة دي بتاخد معالج من ميديا تيك صح ؟ و كنا عملنا مقارنة بينها و بين Honor 4X صح ؟
و ناس كتيرة قالت واوي معالجه احدث فعلا معاك حق هو المعالج احدث عشان 64 بت و معمارية احدث بس للأسف واوي بوظت الخلطة دي .. نفس المعالج الرسومي المستخدم في واوي هونر اكس هو نفس المعالج الرسومي القديم المستخدم في هاتف نزل في 2014 !!!!!!!
ايوه Mali 450 MP4 !!
فهيكون الاداء الرسومي متقارب في الالعاب !
طب ايه المشكلة ؟؟
من قلة علم بعض المستخدمين و المراجعين انه يقولك الهاتف بيشغل اقوة الألعاب و يروح فاتح لعبة Asphalt 8 !
طيب ما هو هيشغلها عادي .. الفكرة بقى فيما بعد كدا الألعاب الجديدة !
تعرف ان المعالج الرسومي mali 450 مبيدعمش OpenGL 3.0 !
بالراحة علينا يا عم .. ايه opengl 3.0 دي ؟
دي باختصار مكتبة او واجهة برمجية بتخدم وتدعم الجرافكس بشكل كبيير جدا جدا .. و بتسهلك و تساعدك عمل الرسوميات ثنائية و ثلاثية الابعاد .. باختصار شديد يعني !
طيب ايه المشكلة انه المعالج مبيدعمش البتاعة دي يا #بيدياوي ؟
يا سيدي ما هو لو معالجك مبيدعمهاش و الالعاب الجديدة اتصممت بيها طبيعي جدا مش هتكون كويسه عليها ده ان اشتغلت اصلا ع الجهاز !!
للأسف بقى هاتف واوي 4x من المعالج الرسومي ده . و مش كدا و بس ده ويكو كمان و انفينكس زيرو 2 !
طيب ميديا تيك بتعمل ايه ؟
ميديا تيك بتستخدم في معالجاتها الجديدة الحمد لله فئات حديثة من سلسلة mali طب زي ايه !
زي ميديا تيك 6752 المتواجده في سوني C4 و ميزيو نوت و ايليفون و هواتف كتيرة جدا . و دي معالجها الرسومي كويس
و ميديا تيك 6795 او المشهور بمعنى اصح Helio X10 !
طيب ليه ميديا تيك اتجهت لبناء معالجات قوية و تبني معالجات رسومية قوية مش زي الاول تكون للهواتف الاقتصادية ؟؟؟
عشان تنافس كوالكم ببساطة !
تعتبر 2015 اسوء سنة لكوالكم .فشل كوالكم في معالج 810 سهل السوق لميديا تيك انها تاخد نصيب من السوق في الفئات العليا ..
شريحة ميديا تيك 6752 اثبتت نفسها امام سناب دراجون 615 و الشركات الصينية اتجهت ليها حرفيا !
فالمنافسة بينهم على اشده
فاللي عاوز اوصله ليك في المقال ده ..
ان لو انت هتجيب جهاز عشان الالعاب .. بص كويس ع المعالج الرسومي و استخدامه و في الفئات العليا عامة متحملش هم لانه بيكون فيها احدث حاجه !
الشركات في الفئات الاقتصادية دوما بيكون فيها تنازلات . مهما ابهرك الهاتف دوما هتلاقي فيه تنازلات ..
كنت اتمنى ان الزيرو 2 من انفينكس ينزل بشريحة ميديا تيك 6752 اللي بتدعم معمارية 64 بت !
واوي لازم تهتم شوية بالمعالج الرسومي متبوظش الطبخة بشوية ملح !
مينفعش يكون هاتف 2015 منافس لسامسونج اس 6 و فيه معالج رسومي مستخدم من 2014 في الميت 7 و الهوتر6 و احطه كمان في الp8 اللي بقول انه منافس الاس6 !!!!
سامسونج اثبتت نجاحها و نجحت في انتاج معالجها الخاص بيها في النصف الاول من السنة !
كوالكم فشلت فعليا في تقديم معالج محترم للنصف الاول من العام و هو كوالكم 810 ع الرغم من تفوق معالجها الرسومي على هاتف اس 6 في الاختبارات الا ان CPU فعلا فشلت فيه فشل ذريع زي مشاكل الحرارة اللي للاسف ظهرت برده في الزد 3 + و بيجبرك على اغلاق الكاميرا لحد ما الهاتف يبرد شوية !!!!!!
شاركنا برأيك .. استفدت من المقال او فيه حاجه مش واضحه فيه ؟ شارك برأيك في الكومنتات
تعالوا نتكلم اولا عن اهم شركتين في عالم الهواتف الذكية باختصار
(كوالكم - ميديا تيك) و ندخل معاهم باقي المعالجات من الشركات التانية زي واوي و سامسونج و خصوصا ان كل شغلنا هيكون ع الالعاب اللي بتبين فعليا قوة المعالج بعيدا عن ارقام انتوتو و الكلام ده !
كوالكم بتستخدم معالج رسومي قوي فعلا خاص بيها من تصميمها اسمه Adreno و بتدمجه مع سلسلتها من المعالجات القوية و المتوسطة و تحت المتوسطة ..
المعالج ده ظهرت قوته فعليا بداية من كوالكم 800 و كانت اداءه قوي فعلا ..
بالنسبة لميديا تيك .. ميديا تيك لسا داخلة في سوق المعالجات القوية السنة دي ,,
ميديا تيك بتتعامل مع المعالج فقط اللي هو CPU اما بالنسبة لمعالج الرسوميات الGPU فمبيكونش من تصميمها بتاخده من سلسلة mali من شركة ARM
وده برده بالنسبة لواوي و سامسونج برده المعالج الرسومي بيكون mali
وطبعا سلسلة mali فيها الاحدث و الاقوي و الاضعف و الاقدم ده طبيعي ..
المشكلة مش في كدا المشكلة بقى في لعب الشركات !..
بالنسبة للشركات عندك واوي مثلا !
بتاخد ايه من mali دايما تسترخص و متاخدش احسن حاجه !
تفتكروا wiko اللي اتكلمنا عنها قبل كدا ؟؟؟؟؟
ايوه الشركة دي بتاخد معالج من ميديا تيك صح ؟ و كنا عملنا مقارنة بينها و بين Honor 4X صح ؟
و ناس كتيرة قالت واوي معالجه احدث فعلا معاك حق هو المعالج احدث عشان 64 بت و معمارية احدث بس للأسف واوي بوظت الخلطة دي .. نفس المعالج الرسومي المستخدم في واوي هونر اكس هو نفس المعالج الرسومي القديم المستخدم في هاتف نزل في 2014 !!!!!!!
ايوه Mali 450 MP4 !!
فهيكون الاداء الرسومي متقارب في الالعاب !
طب ايه المشكلة ؟؟
من قلة علم بعض المستخدمين و المراجعين انه يقولك الهاتف بيشغل اقوة الألعاب و يروح فاتح لعبة Asphalt 8 !
طيب ما هو هيشغلها عادي .. الفكرة بقى فيما بعد كدا الألعاب الجديدة !
تعرف ان المعالج الرسومي mali 450 مبيدعمش OpenGL 3.0 !
بالراحة علينا يا عم .. ايه opengl 3.0 دي ؟
دي باختصار مكتبة او واجهة برمجية بتخدم وتدعم الجرافكس بشكل كبيير جدا جدا .. و بتسهلك و تساعدك عمل الرسوميات ثنائية و ثلاثية الابعاد .. باختصار شديد يعني !
طيب ايه المشكلة انه المعالج مبيدعمش البتاعة دي يا #بيدياوي ؟
يا سيدي ما هو لو معالجك مبيدعمهاش و الالعاب الجديدة اتصممت بيها طبيعي جدا مش هتكون كويسه عليها ده ان اشتغلت اصلا ع الجهاز !!
للأسف بقى هاتف واوي 4x من المعالج الرسومي ده . و مش كدا و بس ده ويكو كمان و انفينكس زيرو 2 !
طيب ميديا تيك بتعمل ايه ؟
ميديا تيك بتستخدم في معالجاتها الجديدة الحمد لله فئات حديثة من سلسلة mali طب زي ايه !
زي ميديا تيك 6752 المتواجده في سوني C4 و ميزيو نوت و ايليفون و هواتف كتيرة جدا . و دي معالجها الرسومي كويس
و ميديا تيك 6795 او المشهور بمعنى اصح Helio X10 !
طيب ليه ميديا تيك اتجهت لبناء معالجات قوية و تبني معالجات رسومية قوية مش زي الاول تكون للهواتف الاقتصادية ؟؟؟
عشان تنافس كوالكم ببساطة !
تعتبر 2015 اسوء سنة لكوالكم .فشل كوالكم في معالج 810 سهل السوق لميديا تيك انها تاخد نصيب من السوق في الفئات العليا ..
شريحة ميديا تيك 6752 اثبتت نفسها امام سناب دراجون 615 و الشركات الصينية اتجهت ليها حرفيا !
فالمنافسة بينهم على اشده
فاللي عاوز اوصله ليك في المقال ده ..
ان لو انت هتجيب جهاز عشان الالعاب .. بص كويس ع المعالج الرسومي و استخدامه و في الفئات العليا عامة متحملش هم لانه بيكون فيها احدث حاجه !
الشركات في الفئات الاقتصادية دوما بيكون فيها تنازلات . مهما ابهرك الهاتف دوما هتلاقي فيه تنازلات ..
كنت اتمنى ان الزيرو 2 من انفينكس ينزل بشريحة ميديا تيك 6752 اللي بتدعم معمارية 64 بت !
واوي لازم تهتم شوية بالمعالج الرسومي متبوظش الطبخة بشوية ملح !
مينفعش يكون هاتف 2015 منافس لسامسونج اس 6 و فيه معالج رسومي مستخدم من 2014 في الميت 7 و الهوتر6 و احطه كمان في الp8 اللي بقول انه منافس الاس6 !!!!
سامسونج اثبتت نجاحها و نجحت في انتاج معالجها الخاص بيها في النصف الاول من السنة !
كوالكم فشلت فعليا في تقديم معالج محترم للنصف الاول من العام و هو كوالكم 810 ع الرغم من تفوق معالجها الرسومي على هاتف اس 6 في الاختبارات الا ان CPU فعلا فشلت فيه فشل ذريع زي مشاكل الحرارة اللي للاسف ظهرت برده في الزد 3 + و بيجبرك على اغلاق الكاميرا لحد ما الهاتف يبرد شوية !!!!!!
شاركنا برأيك .. استفدت من المقال او فيه حاجه مش واضحه فيه ؟ شارك برأيك في الكومنتات
ليست هناك تعليقات :
إرسال تعليق